რუსეთის პრეზიდენტს ვლადიმერ პუტინს შეუძლია, ჟურნალისტების შესაბამისი ინტერესის შემთხვევაში, უპასუხოს კითხვებს საქართველოში განვითარებულ მოვლენებთან დაკავშირებით. ამის შესახებ პუტინის პრესმდივანმა დიმიტრი პესკოვმა განაცხადა.

„ჟურნალისტების შესაბამისი ინტერესის მიხედვით, პრეზიდენტი უპასუხებს ყველა კითხვას“, - განაცხადა პესკოვმა საქართველოში განვითარებულ მოვლენებზე კომენტირებისას და ჟურნალისტს ურჩია, მოთმინებით აღიჭურვოს.

პუტინის “პირდაპირი ხაზი”, პრესკონფერენციასთან ერთად, 19 დეკემბერს გაიმართება - გადაცემა „წლის შედეგები ვლადიმირ პუტინთან ერთად“ მოსკოვის დროით შუადღის ეთერში გავა.