ვლადიმერ პუტინმა, სატელეფონო საუბრისას, რეჯეფ თაიფ ერდოღანი დაარწმუნა, რომ ბირთვული იარაღის გამოყენებას არ აპირებს. ამის შესახებ თურქეთის პრეზიდენტის სპიკერმა, იბრაჰიმ კალინმა Anadoly Agency-ის განუცხადა.

მისი თქმით, თურქეთის ლიდერი რუს კოლეგასთან რეგულარულ მოლაპარაკებებს გასული წლიდან აწარმოებს და ესკალაციის შემცირებას სთავაზობს. თურქმა დიპლომატმა ასევე აღნიშნა, რომ ამჟამად, ფრონტზე, სავარაუდოდ, წინსვლა არ აღინიშნება და ამ ომში გამარჯვებულად არც ერთი მხარე არ გამოიყურება.

თურქეთის პრეზიდენტის წარმომადგენელი ამბობს, რომ ანკარა, მოლაპარაკებების მაგიდაზე დასაბრუნებლად, ორივე მხარის მიწვევას გეგმავს, რათა მათ მსხვერპლის რაოდენობის ზრდა და ტერიტორიების დაკარგვა თავიდან აიცილონ.