რუსეთის პრეზიდენტმა ვლადიმერ პუტინმა არგენტინის პრეზიდენტს ალბერტო ფერნანდესს მსოფლიო საფეხბურთო პირველობაზე არგენტინის ნაკრების გამარჯვება მოულოცა. ამის შესახებ პუტინის პრესმდივანმა დიმიტრი პესკოვმა განაცხადა. ინფორმაციას „ტასი“ ავრცელებს. 

„ვლადიმერ პუტინი არგენტინის პრეზიდენტს ტელეფონით ესაუბრა. რუსეთი პრეზიდენტმა არგენტინელ კოლეგას გამარჯვება გულთბილად მიულოცა“ - განაცხადა პესკოვმა.

არგენტინის ნაკრებმა 18 დეკემებრს ყატარში გამართული მსოფლიო საფეხბურთო პირველობის ფინალში საფრანგეთს მოუგო და ისტორიაში მესამედ გახდა მსოფლიო ჩემპიონი ფეხბურთში. არგენტინელების შემადგენლობაში გოლები ლიონელ მესიმ და ანხელ დი მარიამ გაიტანეს. საფრანგეთის მხრიდან სამივე გოლი კილიან მპაპემ გაიტანა, პენალტების სერიაში არგენტინელებმა გაიმარჯვეს.