პუტინის ქალიშვილები, შესაძლოა, ევროკავშირისა და აშშ-ის ახალი სანქციების ქვეშ მოექცნენ

პუტინის ქალიშვილები, შესაძლოა, ევროკავშირისა და აშშ-ის ახალი სანქციების ქვეშ მოექცნენ - Bloomberg

06/04/2022

14:35

A-

აშშ, ევროკავშირი და G7 რუსეთის წინააღმდეგ სანქციების ახალ პაკეტს ამზადებენ, სადაც შესაძლოა ვლადიმერ პუტინის ქალიშვილებიც მოხვდნენ - ამის შესახებ Bloomberg-ი იუწყება.

გავრცელებულ ინფორმაციაში აღნიშნულია, აშშ და ევროკავშირი რუსეთის პრეზიდენტის ვლადიმერ პუტინის ორ ქალიშვილზე სანქციების დაწესებას განიხილავენ. სანქცირებულთა კანდიდატების სიაში ასევე შედიან პოლიტიკოსები, ოლიგარქები და მათი ოჯახები, ასევე რამდენიმე პროპაგანდისტი.

პუტინსა და მის ყოფილ მეუღლეს ორი ქალიშვილი ჰყავთ. მედიის ცნობით, მათი სახელებია მარია ვორონცოვა და ეკატერინა ტიხონოვა.

548