რუსეთის პრეზიდენტი ვლადიმერ პუტინი აცხადებს, რომ აშშ-სა და რუსეთს შორის სხვა პატიმრების გაცვლის შესაძლებლობა კვლავ არსებობს.

მისივე თქმით, მხარეებს შორის პატიმრების გაცვლა კომპრომისების ძიების შედეგია.

„ჩვენ არ ვამბობთ უარს ამ სამუშაოს მომავალში გაგრძელებაზე. კონტაქტები გრძელდება და სპეცსამსახურების ხაზით არც არასდროს შეწყვეტილა. სხვა პატიმრების გაცვლაც შესაძლებელია. ეს არის მოლაპარაკებებისა და კომპრომისების ძიების შედეგი. შეიძლება თუ არა ამან შექმნას საფუძველი შეერთებულ შტატებთან დიალოგისთვის, ეს ცალკე საკითხია“, – განაცხადა პუტინმა.

ცნობისთვის, რუსეთმა პატიმრობაში მყოფი ამერიკელი კალათბურთელი, ბრიტნი გრაინერი შეერთებულ შტატებთან ცნობილ იარაღის გამყიდველ ვიქტორ ბუტში გაცვალა.