რუსეთის პრეზიდენტმა, ვლადიმერ პუტინმა სახელისუფლებო მედიებთან საახალწლო შეხვედრაზე უარი თქვა. 

მისმა პრესმდივანმა, დიმიტრი პესკოვმა განაცხადა, რომ პუტინისა და ჟურნალისტების შეხვედრა რუსეთის პრეზიდენტის „ჯანმრთელობის დაცვის“ მოტივით არ შედგება.

„სავარაუდოა, რომ [კომუნიკაცია] ახლო მომავალში ზუსტად ისეთივე იქნება, როგორიც იყო პანდემიამდე. დასამალი არაფერია. თქვენ ხედავთ ვირუსის მუტაციის პროცესებს, გრიპის ძლიერ ეპიდემიოლოგიურ ტალღებს. მთლიანობაში, პანდემიის გაკვეთილების გათვალისწინებით, ის ავალდებულებს პრეზიდენტის უსაფრთხოებასა და მის ჯანმრთელობაზე პასუხისმგებელ პირებს, მიიღონ სიფრთხილის ზომები, რადგან ასეთ პირობებში პრეზიდენტის ჯანმრთელობა სახელმწიფო უსაფრთხოების საკითხია“, - განაცხადა პესკოვმა.