რუსეთის პრეზიდენტი, ვლადიმერ პუტინი კრემლში უნგრეთის პრემიერ-მინისტრს ვიქტორ ორბანს ხვდება.

ვლადიმერ პუტინმა განაცხადა, რომ მოხარულია ვიქტორ ორბანის მოსკოვში ხილვით.

რუსეთის პრეზიდენტმა დასძინა, რომ მზადაა ორბანს მოსკოვის წინადადებების დეტალები წარუდგინოს.

ორბანმა, თავის მხრივ, მადლობა გადაუხადა პუტინს მიღებისთვის და აღნიშნა, რომ „ეს შეხვედრა უფრო განსაკუთრებულია, ვიდრე წინა“.

„მინდა გამოვიყენო ეს შესაძლებლობა თქვენთან ერთად განვიხილო რამდენიმე მნიშვნელოვანი საკითხი. მსურს ვიცოდე თქვენი პოზიცია ევროპისთვის მნიშვნელოვან საკითხებთან დაკავშირებით“, - მიმართა ორბანმა პუტინს.

როგორც რუსული მედია წერს, ბოლო შეხვედრა ორ ლიდერს შორის ჩინეთში 2023 წლის ოქტომბერში, ფორუმზე „ერთი სარტყელი, ერთი გზა“ - შედგა.