17/02/2023
17:10
მსოფლიო
„რუსეთის პრეზიდენტი ვლადიმერ პუტინი ჯავშანმატარებლით მგზავრობს, რადგან მას თვითმფრინავში ჩაჯდომის ეშინია. ის თვლის, რომ ნატო ან უკრაინა მის კერძო თვითმფრინავებს თვალყურს ადევნებს და შესაძლოა ისინი ააფეთქოს,“ - თქვა Dossier Center-ის ჟურნალისტმა, ილია როჟდესტვენსკიმ.
როგორც როჟდესტვენსკიმ CNN-თან საუბრისას აღნიშნა, რუსეთის პრეზიდენტს სჯერა, რომ ჯავშანმატარებელი "მგზავრობის უფრო უსაფრთხო საშუალებაა" და, ასევე "ვერავინ გაიგებს, სად მიდის ის".
უსაფრთხო კომუნიკაციის მიზნით, მატარებელი სპეციალური აღჭურვილობით არის უზრუნველყოფილი.
გაურკვეველია, გამოიყენებს თუ არა ვლადიმერ პუტინი ჯავშანმატარებელს დღეს მინსკში გასამგზავრებლად - საზოგადოებრივი ტრანსპორტის მონაცემებით, მოსკოვსა და მინსკს შორის მგზავრობას დაახლოებით შვიდი საათი სჭირდება.
0
0