გამოცემა Reuters-ის ექსკლუზიური ინფორმაციით, რუსეთის პრეზიდენტი ვლადიმირ პუტინი 2024 წლის არჩევნებშიც აპირებს მონაწილეობის მიღებას, რა შემთხვევაშიც, იგი ძალაუფლების შენარჩუნებას 2030 წლამდე შეძლებს.

Reuters-ი ანონიმურ წყაროებზე დაყრდნობით იუწყება, რომ პუტინის მიერ გადაწყვეტილების მიღების შემდეგ, მისმა მრჩევლებმა 2024 წლის არჩევნებისთვის საარჩევნო კამპანიის მომზადება დაიწყეს.

პუტინისთვის, რომელიც რუსეთის სამთავრობო მედიას აკონტროლებს, მთავრობის სრული მხარდაჭერა აქვს და არ არსებობს პოლიტიკური მოწინააღმდეგე, საარჩევნო პროცესი ფორმალობას წარმოადგენს და მისი არჩევნებში გამარჯვება უდავოა.

კრემლის სპიკერს დმიტრი პესკოვს ამ საკითხზე კომენტარი არ გაუკეთებია.