„ვაგნერის“ ჯგუფის ლიდერი ევგენი პრიგოჟინი "თავისუფალია" და მას საფრთხე არ ემუქრება, - განაცხადა ბელარუსის პრეზიდენტმა ალექსანდრე ლუკაშენკომ.

ალექსანდრე ლუკაშენკომ აღნიშნული კომენტარი მას შემდეგ გააკეთა, რაც დადასტურდა, რომ ევგენი პრიგოჟინი რუსეთში, სანქტ-პეტერბურგში, იმყოფება.

როგორც პრეზიდენტმა ლუკაშენკომ განაცხადა, ის "დარწმუნებულია", რომ ვლადიმერ პუტინი „ვაგნერის“ ხელმძღვანელის, დევნილი ევგენი პრიგოჟინის, მოკვლის ბრძანებას არ გასცემს.

„თუ ფიქრობთ, რომ პუტინი ბოროტი და შურისმაძიებელია და ხვალ, მისი ბრძანებით, მას [პრიგოჟინს] მოკლავენ... ეს არ მოხდება“, - თქვა ლუკაშენკომ. 

6 ივლისს, რუსეთის სახელმწიფო ტელევიზიამ განაცხადა, რომ რუსეთში პრიგოჟინის  წინააღმდეგ სისხლის სამართლის საქმე არ შეწყვეტილა.