საქართველოს პრეზიდენტის, სალომე ზურაბიშვილის ძმა, ოთარ ზურაბიშვილი გუშინ, 26 მაისს "ლელოს" ორგანიზებულ მსვლელობაში მონაწილეობდა.

როგორც მან ჟურნალისტებს განუცხადა, “საქართველოს გზა უკან, რუსეთში არ არის”.

“ყველას, ჩვენი, სურვილი არ არის დაბრუნება უკან, რუსეთისკენ. ჩვენ გვინდა წინსვლა, წინსვლა კი არის ევროპისკენ”, განაცხადა ოთარ ზურაბიშვილმა.

როგორც ცნობილია, გუშინ, თსუ-ს პირველი კორპუსიდან, “ლელოს” ორგნიზებით მსვლელობა მოეწყო. "ლელოს" ლიდერები და მოქალაქეები მსვლელობით რუსთაველისკენ გაემართნენ. მათ თან გაშლილი ჰქონდათ ევროკავშირისა და საქართველოს დროშები. აქციის მონაწილეებმა მსვლელობით გააპროტესტეს ის ფაქტი, რომ 26 მაისის დეკორაციებში ევროკავშირის სიმბოლიკები არ ფიგურირებდა.