ექსპრეზიდენტ მიხეილ სააკაშვილის შეწყალების მოთხოვნით კლინიკა „ვივამედთან“ აქცია მიმდინარეობს, რომელზეც „ნაციონალური მოძრაობის“ წევრები და მხარდამჭერები არიან შეკრებილი.

„ნაციონალური მოძრაობის“ თავმჯდომარის, ლევან ხაბეიშვილის თქმით, პრეზიდენტმა სალომე ზურაბიშვილმა უნდა გამოიყენოს თავისი უფლებამოსილება და მიხეილ სააკაშვილი გაათავისუფლოს.

„პრეზიდენტი სააკაშვილი უნდა იყოს თავისუფალი. სალომე ზურაბიშვილს ეს ინსტრუმენტი აქვს. შესაწყალებელი კი არ აქვს რამე პრეზიდენტ სააკაშვილს, მისი უფლებამოსილება უნდა გამოიყენოს სალომემ და გაათავისუფლოს პუტინის საამებლად დაკავებული პრეზიდენტი“, - განაცხადა ლევან ხაბეიშვილმა.