პლენარულ სხდომაზე პრემიერ-მინისტრ ირაკლი ღარიბაშვილის მიერ წლიური ანგარიშის წარდგენის პარალელურად, პარლამენტის წინ აქციის მონაწილეები დააკავეს. დაკავების ამსახველი კადრები სოციალურ ქსელებში ვრცელდება.

დაკავებულია 2 პირი. ორივე მათგანი ადმინისტრაციულ სამართალდაღვევათა კოდექსის 166-ე და 173-ე მუხლით დააკავეს, რაც წვრილმან ხულიგნობასა და სამართალდამცავი ორგანოს თანამშრომლის კანონიერი განკარგულებისადმი ან მოთხოვნისადმი დაუმორჩილებლობას, ან ამ პირის მიმართ სხვა კანონსაწინააღმდეგო ქმედების განხორციელებას გულისხმობს.

პარლამენტთან აქცია "შეაწუხე ირაყლი" მიმდინარეობს. მოქალაქეები პრემიერმინისტრ, ირაკლი ღარიბაშვილს შეძახილებითა და ბანერებით დახვდნენ.