აბრეშუმის გზა და ეკონომიკური განვითარების ახალი შესაძლებლობები - ამ მთავარი მიზნით, საქართველოს პრემიერ-მინისტრის ვიზიტი ჩინეთში გრძელდება. პრემიერს დაგეგმილი აქვს არაერთი მაღალი დონის შეხვედრა. ის დაესწრება მსოფლიო საუნივერსიტეტო თამაშების გახსნის ცერემონიას, რომელშიც 50 ქართველი სტუდენტიც მონაწილეობს. ახალგაზრდული თამაშების შემდეგ ირაკლი ღარიბაშვილი პეკინსაც ეწვევა, სადაც ასევე მაღალი მნიშვნელობის ორმხრივი შეხვედრები იგეგმება.

მანამდე კი, საქართველოს პრემიერ-მინისტრს პომპეზური დახვედრა მოუწყვეს ქალაქ ჩენდუში, სადაც ასევე ჩავიდა ჩინეთის პრეზიდენტი სი ძინ პინი. დელეგაციას საქართველოდან საგანგებოდ დახვდნენ ჩინეთის აეროპორტშიც.