პოლონეთის ქალაქ კობიორში ავტოსაგზაო შემთხვევის შედეგად 8 ადამიანი, მათ შორის, ორსული ქალი და 2, 4 და 6 წლის ბავშვები დაშავდნენ.

როგორც პოლონური მედია წერს, წინასწარი ინფორმაციით, ავარია გამოიწვია საქართველოს მოქალაქემ, რომელიც „რენოს“ მარკის ავტომობილით გზის საპირისპირო ზოლში გადავიდა და შემხვედრ მანქანას დაეჯახა, რომელშიც პოლონეთის მოქალაქეები - ერთი ოჯახის წევრები ისხდნენ. 

როგორც მედია წერს, შეჯახების ძალა იმდენად დიდი იყო, რომ დაშავდა რვა ადამიანი, მათ შორის, სამი ბავშვი (2, 4, და 6 წლის) და ორსული ქალი.

პოლიციის ცნობით, დაშავებულებს შორის არიან „რენოთი“ მოძრავი საქართველოს მოქალაქეები - მძღოლი და ორი მგზავრი და ერთი ოჯახის ხუთი წევრი (კაცი, ქალი და სამი ბავშვი), რომლებიც „ოპელში“ ისხდნენ.