პოლონეთში, დააკავეს ტაქსის ქართველი მძღოლი, რომელიც მოქალაქეებს დანით თავს დაესხა. ამის შესახებ ადგილობრივი მედია წერს. გამოცემის ცნობით, 26 წლის ახალგაზრდა ამ ეტაპზე, პოლიციელების მეთვალყურეობის ქვეშ იმყოფება.

პროკურატურის გადაწყვეტილებით, დანაშაული ხულიგნური ხასიათისა იყო, რაც ეჭვმიტანილზე დაკისრებულ ჯარიმას გაზრდის. დაკავებულს დაზარალებულებთან კონტაქტი და მიახლოება აეკრძალა.

“ერთ-ერთ ავტოსადგომზე დაზარალებულებმა შენიშნეს მოძალადის კუთვნილი შკოდა. ცოტა ხნის შემდეგ მანქანიდან საქართველოს 26 წლის მოქალაქე გადმოვიდა, რომელიც პოლიციამ დააკავა. მის ავტომობილში დაზარალებულებმა იპოვეს დანა, რომელიც ახალგაზრდამ ინციდენტის დროს გამოიყენა. მამაკაცი დააკავეს”, – აცხადებს მუნიციპალური პოლიციის შტაბის სპიკერი.