უკრაინის საგარეო საქმეთა მინისტრ, დმიტრო კულებასა და აშშ-ის სახელმწიფო მდივანს, ენტონი ბლინკენს შორის სატელეფონო საუბარი გაიმართა. საუბრის თემა 15 ნოემბერს პოლონეთში განვითარებული მოვლენები იყო.

ამის შესახებ კულებამ “ტვიტერში” დაწერა.

„რუსეთის სარაკეტო ტერორთან, მის მასშტაბებთან, მიზნებთან და შედეგებთან დაკავშირებით სატელეფონო საუბარი მქონდა აშშ-ის სახელმწიფო მდივანთან, ენტონი ბლინკენთან. ხაზგასმით აღვნიშნე, რომ რეაგირება იმაზე, რაც მოხდა პოლონეთში, უნდა იყოს მკაცრი და პრინციპული“, - წერს კულება „ტვიტერზე“