პოლონეთში ქალაქ ბელსკო ბიალისთან პოლიციამ 4 ქართველი დააკავა, რომლებსაც ავტობუსით 26 სირიელი მიგრანტი უკანონოდ გადაჰყავდათ. ამის შესახებ dziennikzachodni.pl იუწყება.

დაკავებულია მძღოლი და კიდე სამი ქართველი, რომლებიც მას მიგრანტების გადაყვანაში ეხმარებოდნენ. მიგრანტები პოლონეთში სლოვაკეთიდან მოხვდნენ. პოლიციამ ავტობუსი გააჩერა, რადგანაც მას ადამიანების უკანონო გადაყვანაში ეჭვი გაუჩნდათ.

მიგრანტებს პოლონეთის საზღვრის უკანონო გადაკვეთისთვის ბრალს წაუყენებენ. რაც შეეხება ავტობუსის მძღოლს და მის თანამზრახველებს, მათ საზღვარზე მიგრანტების უკანონო გადაყვანაში ბრალს წაუყენებენ.