წინასწარი მონაცემებით, პოლონეთში აფეთქების მიზეზი უკრაინული საჰაერო თავდაცვის რაკეტა იყო, რომელიც რუსულ ბალისტიკურ რაკეტას ესროლეს. ამის შესახებ ნატოს გენერალურმა მდივანმა, იენს სტოლტენბერგმა 16 ნოემბერს ბრიფინგზე განაცხადა.

სტოლტენბერგმა ხაზგასმით აღნიშნა, რომ გამოძიება გრძელდება და მის შედეგებს უნდა დაველოდოთ.

"ეს უკრაინის ბრალი არაა. მთელი პასუხისმგებლობა რუსეთს ეკისრება, რადგან ის უკრაინის წინააღმდეგ უკანონო ომს აწარმოებს", - განაცხადა ნატოს გენერალურმა მდივანმა.

შეგახსენებთ, სტოლტენბერგმა ალიანსის წევრი ქვეყნების წარმომადგენლებთან საგანგებო შეხვედრის შემდეგ ბრიფინგი გამართა.