უკრაინელი მაღალჩინოსნის საჩუქრის აფეთქების შედეგად, პოლონელი პოლიციის უფროსი დაიჭრა

პოლონეთის პოლიციის უფროსი იაროსლავ შიმჩიკი მცირე დაზიანებებით საავადმყოფოში გადაიყვანეს მას შემდეგ, რაც უკრაინელი მაღალჩინოსნისგან მიღებული საჩუქარი აუფეთქდა. ამის შესახებ განცხადება დღეს შინაგან საქმეთა სამინისტრომ გააკეთა.

„გუშინ დილის 07:50 წუთზე პოლიციის უფროსის კაბინეტის გვერდით ოთახში აფეთქება მოხდა. 11 და 12 დეკემბერს უკრაინაში სამუშაო ვიზიტის დროს, პოლიციის უფროსის მიერ მიღებული ერთ-ერთი საჩუქარი აფეთქდა“ - ნათქვამია ანგარიშში.

ასევე მსუბუქი დაზიანებები მიიღო ეროვნული პოლიციის შტაბის სამოქალაქო თანამშრომელმა, რომელსაც ჰოსპიტალიზაცია არ დასაჭირდა.

„პოლონურმა მხარემ უკრაინულ მხარეს მიმართა დაზუსტების მოთხოვნით“, - ნათქვამია მოხსენებაში.