პოლონეთის პრემიერ-მინისტრ დონალდ ტუსკის განცხადებით, ის არ უჭერს მხარს უნგრეთში უკრაინის სამშვიდობო მოლაპარაკებების ჩატარების იდეას.

თეთრი სახლის ცნობით, დონალდ ტრამპმა ვლადიმერ პუტინსა და ვოლოდიმირ ზელენსკის შორის შეხვედრის გამართვის ადგილად ბუდაპეშტი დაასახელა. 

თუმცა, ტუსკის განცხადებით, სამშვიდობო მოლაპარაკებების ჩატარება უნგრეთის დედაქალაქში, სადაც 1994 წელს ბუდაპეშტის მემორანდუმს ხელი მოეწერა, ისტორიულ ირონიას წარმოადგენს.

„უკრაინამ დათმო ბირთვული იარაღი ხელმოწერილი შეთანხმებით გათვალისწინებული უსაფრთხოების გარანტიების სანაცვლოდ - გარანტიები, რომლებიც დაირღვა 2014 წელს რუსეთის მიერ ყირიმის ანექსიისა და 2022 წელს უკრაინაში შეჭრის დროს. შეიძლება ცრუმორწმუნე ვარ, მაგრამ ამჯერად სხვა ადგილის პოვნას ვეცდები“, - თქვა ტუსკმა.