პოლონეთი უკრაინას ამერიკულ F-16-ის ტიპის მოიერიშე თვითმფრინავებს არ გადასცემს, - ამის შესახებ პოლონეთის პრეზიდენტმა, ანჯეი დუდამ განაცხადა. 

მისი თქმით, F-16-ისთვის პილოტებისა და სახმელეთო პერსონალის მომზადებას დიდი დრო დასჭირდება, სწორედ ამიტომ პოლონეთი უკრაინისთვის ძველი საბჭოთა თვითმფრინავების მიწოდებას განიხილავს.

„თუ უკრაინელი პილოტები ამისთვის მოემზადებიან, მაშინ, ეჭვგარეშეა, წვრთნას მრავალი თვე დასჭირდება, მაგრამ თუ „მიგ-29“-ის ტიპის თვითმფრინავი ან, მაგალითად, „სუ“-ს თვითმფრინავი იქნება უზრუნველყოფილი, მაშინ უკრაინელი პილოტები მზად იქნებიან, რომ მაშინვე გაფრინდნენ. ჩვენ ჯერ კიდევ გვაქვს რამდენიმე ასეთი თვითმფრინავი და გადაცემის საკითხს მალე განვიხილავთ“, - განაცხადა დუდამ.