პოლიციელებს ვეუბნები, თქვენ, სულ ყველას, იცოდეთ, სათითაოდ დაგაიდენტიფიცირებთ, ყველას სახელი და გვარი გვეცოდინება, – ამის შესახებ „ერთიანობა – ნაციონალური მოძრაობის“ ერთ-ერთმა ლიდერმა, გიორგი ვაშაძემ რუსთაველზე მიმდინარე აქციაზე განაცხადა.

მისი თქმით, შექმნილია შესაბამისი ჯგუფი.

„შინაგან საქმეთა სამინისტრო კი არა, ეს არის ნაძირალების ხროვა. პოლიციელებს ვეუბნები, თქვენ, სულ ყველას, იცოდეთ, სათითაოდ დაგაიდენტიფიცირებთ. გაკეთებული გვაქვს ჯგუფი. ყველას სახელი და გვარი გვეცოდინება, ვინც ამ დანაშაულს ასრულებს“, – განაცხადა გიორგი ვაშაძემ.