თბილისის საქალაქო სასამართლომ პოეტ ზვიად რატიანს, რომელიც საპროტესტო აქციაზე დააკავეს, 8-დღიანი ადმინისტრაციული პატიმრობა შეუფარდა. გადაწყვეტილება მოსამართლე ზვიად ცეკვავამ მიიღო. ამის შესახებ ინფორმაციას ზვიად რატიანის ადვოკატი, ალეკო ცქიტიშვილი ავრცელებს.

ალეკო ცქიტიშვილის განცხადებით, გადაწყვეტილებას სააპელაციო სასამართლოში გაასაჩივრებენ.

„ზვიად რატიანს სასამართლომ შეუფარდა 8-დღიანი ადმინისტრაციული პატიმრობა. საავადმყოფოდან მოსული კაცი პირდაპირ სასამართლოდან მიჰყავთ საპატიმროში. ადამიანის უფლებათა ცენტრი ამ გადაწყვეტილებას ხვალვე გაასაჩივრებს სააპელაციო სასამართლოში“, - წერს ადვოკატი.