ჩვენ სრულად ვუჭერთ მხარს აშშ-რუსეთის დიალოგს და გვჯერა, რომ ის მშვიდობამდე მიგვიყვანს, ეკონომიკური სანქციების ეპოქა საბოლოოდ დასრულდება, – ამის შესახებ უნგრეთის საგარეო საქმეთა მინისტრი პიტერ სიიარტო სოციალურ ქსელში წერს.

მისივე შეფასებით, ახალი გლობალური ეკონომიკური გარემო უზარმაზარ შესაძლებლობებს მოიტანს.

„რუსეთის საგარეო საქმეთა მინისტრს, სერგეი ლავროვს ვუთხარი, რომ ჩვენ სრულად ვუჭერთ მხარს აშშ-რუსეთის დიალოგს და გვჯერა, რომ ის მშვიდობამდე მიგვიყვანს. ეს თუ მოხდება, ეკონომიკური სანქციების ეპოქა საბოლოოდ დასრულდება. ახალი გლობალური ეკონომიკური გარემო უზარმაზარ შესაძლებლობებს მოიტანს და უნგრეთს საუკეთესო საწყისი პოზიცია სურს“, – წერს სიიარტო.