მომღერალმა Pink-მა ტურნეს ფარგლებში რამდენიმე კონცერტი გააუქმა. მან ეს გადაწყვეტილება ჯანმრთელობის მდგომარეობის გამო მიიღო. ამის შესახებ ინფორმაციას Pagesix ავრცელებს.

მომღერალმა მიღებულ გადაწყვეტილებაზე განცხადება ფანებისთვის სოციალურ ქსელში დაწერა.

„ძალიან ვწუხვარ, რომ უნდა შეგატყობინოთ ჩემი რესპირატორული ინფექციის შესახებ. ექიმების თქმით, არ შემიძლია შემდეგი ორი კონცერტის გამართვა. გუნდი მუშაობს ახალი თარიღების ჩასანიშნად. ძალიან მინდა არაჩვეულებრივი შოუ ვაჩუქო ვანკუვერსა და ყველას. ამასთანავე, ჯანმრთელობას გისურვებთ და გიგზავნით სიყვარულს“, - აღნიშნულია მომღერლის მიერ გავრცელებულ განცხადებაში.