CNN- რუსეთს საქართველოს ოკუპირებულ ტერიტორიებზე განლაგებული ჯარები უკრაინაში გადაჰყავს

26/03/2022

04:09

A-

რუსეთს საქართველოს ოკუპირებულ ტერიტორიებზე განლაგებული ჯარები უკრაინაში გადაჰყავს. ინფორმაციას ამის შესახებ ტელეკომპანია CNN-ი აშშ-ის თავდაცვის დეპარტამენტის მაღალჩინოსანზე დაყრდნობით ავრცელებს.

პენტაგონის მაღალჩინოსნის განცხადებით, აშშ-მა დააფიქსირა საქართველოს ოკუპირებული ტერიტორიებიდან გარკვეული რაოდენობის რუსი სამხედროების გადაადგილება, თუმცა პენტაგონში ზუსტ რაოდენობას ვერ აზუსტებენ.

„ახლა გვაქვს იმის მინიშნებები, რომ საქართველოს ტერიტორიიდან უკრაინაში ძალების გადასროლა ხდება“, - აღნიშნა ოფიციალურმა პირმა და დასძინა, რომ ისინი ძალების გადასროლას საჰაერო სივრცის გამოყენებით არ აფიქსირებენ.

402