სრულიად საქართველოს კათალიკოს-პატრიარქი, უწმინდესი და უნეტარესი ილია მეორე ქართველ ფეხბურთელებსა და გულშემატკივრებს გუშინდელ გამარჯვებას ულოცავს. მილოცვის ტექსტი საპატრიარქოს ოფიციალურ გვერდზე გამოქვეყნდა:

საქართველოს ფეხბურთის  ეროვნულ ნაკრებს, მათ მწვრთნელებს, სრულიად საქართველოს და უცხოეთში მყოფ თანამემამულეთ, ჩვენის მხრიდანაც, ვულოცავთ გუშინდელ გამარჯვებას.

მრავალი წლის შემდეგ, ეს იყო ისეთი სიხარული, რომელმაც მოიცვა მთელი ერი.

შევნიშნავთ იმასაც, რომ ბოლო დროს, სპორტის სხვა სახეობებშიც ძალიან დიდი წარმატებები იქნა მიღწეული.

ღმერთმა დალოცოს თითოეული თქვენგანი და შეგაძლებინოთ ქვეყანა კვლავაც  გამარჯვებებით გაგეხარებინოთ.

მამაშვილური სიყვარულით,

ილია II

სრულიად საქართველოს

კათოლიკოს-პატრიარქი