პარტია „გახარია საქართველოსთვის“ ნინოწმინდის საკრებულოს პროპორციული სიის სამმა წევრმა პარტია დატოვა.

ამის შესახებ პროპორციული სიის პირველმა ნომერმა, სოფიკო ნიქაცაძემ განაცხადა.

მისი თქმით, გახარიას პარტია ჩართულია ძალადობრივ გეგმებში, რაც მათთვის არის მიუღებელი.

„თანაგუნდელებთან ერთად – არტურ ტონაკანიანთან, ნიკოლაი სუხარუკოვთან და ვლადისლავ ანანიკიანთან ერთად, რომლებიც არიან მეორე, მესამე და მეოთხე ნომრები, ვუერთდებით „ლელოს“ იმ წევრებს, რომლებმაც გაბედეს და დატოვეს თავისი პარტია იმის გამო, რომ მისი ლიდერები ძალადობას უჭერენ მხარს. ვტოვებთ გახარიას პარტიას, რომლის ხელმძღვანელებიც, მიუხედავად იმისა, რომ სხვანაირად საუბრობენ, ჩართული არიან ძალადობრივ გეგმებში და სხვა პერსპექტივას ვერ ხედავენ“, – აცხადებს სოფიკო ნიქაცაძე.