პარლამენტთან მიმდინარე აქციაზე არიან დაშავებულები. აქციის მონაწილეები მას შემდეგ დაშავდნენ, როდესაც სპეციალური დანიშნულების რაზმის წარმომადგენლებმა საკანონმდებლო ორგანოსთან წყლის ჭავლისა და ე.წ. წიწაკის სპრეის გამოყენება დაიწყეს.

ადგილზე მობილიზებულია სასწრაფო დახმარების ბრიგადები და ისინი დაშავებულებს უწევენ დახმარებას.

პარლამენტთან, მიმდებარე ქუჩებზე, აქციაზე სავარაუდოდ, ცრემლსადენი გაზი გაუშვეს.

დემონსტრანტების წინააღმდეგ წიწაკის სპრეისა და წყლის ჭავლსაც იყენებენ. 

სპეცრაზმი ჩიტაძის ქუჩაზე განლაგდა.

ვითარება მას შემდეგ დაიძაბა, რაც გიორგი ვაშაძემ აქციის მონაწილეებს პიკეტირებისკენ მოუწოდა. მომიტინგეებმა დააზიანეს პარლამენტთან მდებარე ჯებირები, ჩაამტვრიეს პარლამენტის ფანჯრის მინები.