პარლამენტთან აქცია კვლავ განახლდა და რუსთაველის გამზირი გადაიკეტა.

მიმდინარე აქციას ფილარმონიიდან მსვლელობით „ქალების მარში“, ასევე საზოგადოებრივ მაუწყებელთან შეკრებილი ადამიანები შეუერთდნენ.

აქციის მონაწილეებს სხვადასხვა შინაარსის ბანერები აქვთ მოტანილი და თან პერიოდულად სკანდირებენ: „ცეცხლი ოლიგარქიას!”; „სოლიდარობა მზიას, სოლიდარობა ელენეს!“

მათ ასევე ხელში უჭირავთ საქართველოს, აშშ-სა და ევროკავშირის დროშები.

პროტესტის მონაწილეების მოთხოვნა უცვლელია - ახალი არჩევნების დანიშვნა და აქციების დროს დაკავებულების გათავისუფლება.