28 აგვისტოდან 8 სექტემბრის ჩათვლით, პარიზი პარაოლიმპიურ თამაშებს უმასპინძლებს. ჩვენი ქვეყანა თამაშებზე 14 სპორტსმენით იქნება წარმოდგენილი.

ქართველი სპორტსმენების უმეტესი ნაწილი პარიზში გაემგზავრა.

მთავრობის მეთაურმა, რამდენიმე დღის წინ, სპორტსმენების გაცილების ცერემონიაზე პარასპორტსმენების მიღწევებზე, გამოწვევებსა და პარიზში დაგეგმილ თამაშებზე ისაუბრა. ირაკლი კობახიძემ განაცხადა, რომ ოლიმპიელებისთვის მიცემული დაპირება, პრემიებთან დაკავშირებით პარაოლიმპიურ თამაშებზეც გავრცელდება. შესაბამისად, მთავრობის გადაწყვეტილებით, ოქროს მედალოსანი მილიონს, მეორე ადგილოსანი ნახევარ მილიონს, მესამე ადგილზე გასული კი 250 ათას ლარს მიიღებს.