მეცნიერებმა იესოს მიერ ბავშვობაში მოხდენილი სასწაულის ამსახველი ძველი ეგვიპტური ხელნაწერის უძველესი ასლი აღმოაჩინეს. 2000 წლისწინანდელ პაპირუსზე აღწერილია ნაკლებად ცნობილი ამბავი "ბეღურების გაცოცხლების" შესახებ, როდესაც ხუთი წლის მესია თიხის ბეღურებს ცოცხალ ფრინველებად აქცევს. ხელნაწერში ეს ეპიზოდი ასევე მოხსენიებულია, როგორც "მეორე სასწაული". მკვლევარების აზრით, ის სავარაუდოდ დაიწერა, როგორც სასკოლო გაკვეთილების ნაწილი ან გამოიყენებოდა რელიგიური თემისთვის მე-4 ან მე-5 საუკუნეების [იმ დროისთვის ქრისტიანულ] ეგვიპტეში. 

მეცნიერები თვლიან, რომ იესოს მიერ მოხდენილი სასწაულის ამბავი ორიგინალური სახით მე-2 საუკუნეში დაიწერა, რომელსაც თომას სახარება მოიცავს. წიგნში დეტალურადაა აღწერილი იესო ნაზარეველის ახალგაზრდობა, რომელიც საბოლოოდ იყო ამოღებული ბიბლიიდან. 

ექსპერტებმა DailyMail.com-ს განუცხადეს, რომ ხელნაწერების შესწავლისას პაპირუსმა მათი ყურადღება მიიქცია და ტექსტში „იესოს“ სახელი შენიშნეს. 

„აქამდე პაპირუსი შეუმჩნეველი იყო ჰამბურგის უნივერსიტეტის ბიბლიოთეკაში. ეს ისეთი დოკუმენტის ნაწილად ჩავთვალე, როგორიცაა პირადი წერილი ან სავაჭრო სია, რადგან ხელწერა ძალიან დაუხვეწავია. ტექსტში პირველად სიტყვა „იესო“ შევნიშნეთ. შემდეგ, სხვა მრავალ ციფრულ პაპირუსთან შედარებით, ტექსტი გავშიფრეთ და მაშინვე მივხვდით, რომ ეს არ შეიძლებოდა ყოველდღიური საქმეების შესახებ დოკუმენტი ყოფილიყო“, - განუცხადა DailyMail-ს ჰუმბოლდტის უნივერსიტეტის თეოლოგმა ლაიოს ბერკესმა.

„სახარების ამ ნაწილში იესო სულ რაღაც ხუთი წლისაა, ნაკადულში თამაშობს და თიხისგან 12 ბეღურას ამზადებს. როდესაც მამამისი, იოსები ამას ამჩნევს, საყვედურობს იესოს და ეკითხება, „რატომ ამუშავებ თიხას შაბათს - დასვენებისა და ღვთის თაყვანისცემის წმინდა დღეს?“ საპასუხოდ, „[იესო] უბრძანებს თიხის ფიგურებს „გაფრინდნენ, როგორც ცოცხალი ჩიტები“. პაპირუსის ფრაგმენტი ამ ეპიზოდიდან სულ 13 სტრიქონს შეიცავს. არ არსებობს არანაირი მტკიცებულება იმის შესახებ, თუ როგორ და როდის აღმოაჩინეს თავდაპირველად პაპირუსი. არ ვიცით, როდის გახდა პაპირუსი ბიბლიოთეკის კოლექციის ნაწილი, როგორც ჩანს, ის აქ 2001 წლის შემდეგ აღირიცხება. თუმცა, არსებობს ორი სავარაუდო სცენარი იმის შესახებ, თუ როგორ გაჩნდა პაპირუსი ჰამბურგში: ის ეკუთვნოდა თავდაპირველ კოლექციას, რომელიც 1906-1913 წლებში შეიძინეს. შემდეგ ხდებოდა მისი ინდივიდუალური შესყიდვები 1939 წლამდე [და], შემდეგ 1990 წელს ბერლინიდან ბიბლიოთეკაში მოხვდა. აღნიშნულია, რომ ნაშრომი ეკუთვნის თომას (შესაძლოა მოციქულს), თუმცა მისი ავტორი ნამდვილი უცნობია. სპეციალისტები აპოკრიფულ სახარებებს ზოგჯერ ფანტასტიკას ადარებენ, რადგან ის შედგება სცენების სერიისგან, სადაც ახალგაზრდა იესო სასწაულებს ახდენს, რაც გარშემომყოფებს აოცებთ,“ - განუცხადა DailyMail-ს ბელგიის ლიეჟის უნივერსიტეტის პროფესორმა გაბრიელ ნოკი მაკედომ.