უნგრეთის პრემიერ-მინისტრმა, ვიქტორ ორბანმა გააკრიტიკა უკრაინის გადაწყვეტილება რუსული გაზის ტრანზიტის შეჩერების თაობაზე და განაცხადა, რომ ბუდაპეშტს შეუძლია საპასუხო ზომების მიღება.

ორბანმა განაცხადა, რომ უკრაინამ არა მხოლოდ შეაჩერა გაზის ტრანზიტი, არამედ უარიც თქვა მოლაპარაკებაზე, ხოლო მისი გადაწყვეტილება საფრთხეს უქმნის უნგრეთს, სლოვაკეთსა და მთლიანად რეგიონს.

„თუ ისინი აგრესიულები და მტრულად განწყობილნი იქნებიან, წააგებენ. ჩვენ საბოლოოდ პასუხს გავცემთ“, - აღნიშნა ორბანმა.

ორბანმა ასევე აღნიშნა, რომ ის ეწინააღმდეგება უკრაინის სწრაფ გაწევრიანებას ევროკავშირში, რადგან ეს გაანადგურებს უნგრეთის ეკონომიკას, და ნატოში, რადგან ეს გამოიწვევს ომს ალიანსსა და რუსეთს შორის.