ლუქსემბურგის პრემიერ-მინისტრი ქსავიე ბეტელი აცხადებს, რომ უნგრეთის პრემიერ-მინისტრის, ვიქტორ ორბანის მიერ რუსეთის პრეზიდენტისთვის, ვლადიმერ პუტინისთვის ხელის ჩამორთმევა არის უკრაინელებისთვის შუა თითის ჩვენება. Politico-ს ცნობით, ამის შესახებ ბეტელმა ევროკავშირის სამიტზე მისვლისას უნგრეთის შესახებ დასმულ კითხვაზე პასუხად განაცხადა.

„უნდა გითხრათ, რომ რაც გუშინ ვთქვი, კვლავ სიმართლეა – ის, რაც ორბანმა გააკეთა პუტინთან, არის შუა თითის ჩვენება ყველა სამხედროსთვის, ყველა უკრაინელისთვის, რომლებიც ყოველდღიურად იღუპებიან და იტანჯებიან რუსეთის თავდასხმების გამო“, – განაცხადა ლუქსემბურგის პრემიერმა.

შეგახსენებთ, რომ მანამდე უნგრეთის ლიდერი რუსეთის პრეზიდენტთან შეხვედრის გამო გააკრიტიკა ლიეტუვის პრეზიდენტმა, გიტანას ნაუსედამ.