მსოფლიო ჩემპიონმა და ოლიმპიური თამაშების ვიცე-ჩემპიონმა, გურამ თუშიშვილმა, რომელმაც დისკვალიფიკაციის შემდეგ პირველად იჭიდავა, ავსტრიის ტურნირზე, ფინალში, ჩეხ კრპალეკს სძლია და ოქროს დაეუფლა.

ავსტრიაში მიმდინარე ძიუდოს გრანპრის დასკვნით დღეს 90 კგ წონით კატეგორიაში ქართული ფინალი უნდა გამართულიყო, მაგარამ მსოფლიოს სამგზის ჩემპიონი, ტატო გრიგალაშვილი ტურნირს ტრავმის გამო ჩაეხსნა და შეჯიბრის გამარჯვებული 21 წლის გიორგი ჯაბნიაშვილი გახდა.

კიდევ ერთი მძიმეწონოსანი შალვა გურეშიძე კი ბრინჯაოს მედლისთვის ბრძოლაში დამარცხდა.

შეგახსენებთ, რომ ავსტრიის გრანპრიზე საქართველოს ნაკრებმა გასული ორი საშეჯიბრო დღე უმედლოდ დაასრულა. დღეს კი საქართველოს ჰიმნი ორჯერ გაჟღერდა.