უზბეკეთის დედაქალაქ ტაშკენტში დღეს სტარტი აიღო გრანდ სლემმა ძიუდოში. პირველ საშეჯიბრო დღეს ორ ქართველს – ეთერ ლიპარტელიანს (57კგ) და ლუხუმ ჩხვიმიანს (60კგ) ტურნირის ფინალურ ბლოკში ვიხილავთ.

ეთერ ლიპარტელიანმა ნახევარფინალში ტაიპეის წარმომადგენელი ლინი დამატებით დროში დაამარცხა და ოქროს მედლისთვის იაპონელ მომო ტამაოკისთან იჭიდავებს. ლუხუმ ჩხვიმიანმა კი ნახევარფინალური დაპირისპირება ყაზახ სერიკბაიევთან დათმო და ბრინჯაოს მედლისთვის იბრძოლებს.

დღეს გრანდ სლემზე გამომსვლელმა მესამე ქართველმა, ამირან დარბაისელმა (60კგ) პირველივე დაპირისპირება თურქმენ ჯუმაიევთან დათმო და გრანდ სლემს გამოეთიშა.

ტაშკენტის გრანდ სლემზე ფინალური ბლოკი რამდენიმე წუთში, 16:00 საათზე დაიწყება.