„რონდელის  ფონდის“ ხელმძღვანელი კახა გოგოლაშვილი სოციალურ ქსელში, IRI-ს კვლევის შედეგებს გამოეხმაურა და აღნიშნა, რომ ოპოზიციას არაფერი აქვს საზეიმო. 

„IRI-ის კვლევაში „ოცნებას“ კი აქვს ძალიან დაბალი, 19 პროცენტიანი რეიტინგი, მაგრამ ამავე კვლევის მიხედვით ვერცერთი სხვა პარტია, „ნაცმოძრაობის“ გარდა, ვერ ლახავს 5 პროცენტიან ბარიერს. ამიტომ, არჩევნები რომ დღეს ჩატარდეს მაინც „ქართული ოცნება“ გაიმარჯვებს. ოპოზიციას ორი გამოსავალი აქვს - ან უნდა ახლავე დაიწყოს ბრძოლა საარჩევნო ბარიერის დასაწევად, როგორც მინიმუმ 3 პროცენტამდე, ან გაერთიანდეს და აქტიურად იმუშაონ ელექტორატის გასაზრდელად. ამ მომენტში კი არაფერი აქვთ საზეიმო“, - წერს კახა გოგოლაშვილი.