ბრძოლას ვაგრძელებთ, ვართ ძლიერად, მყარად, ერთიანები, მაგათი სასჯელის არავის ეშინია, პირიქით, ჩვენ ზუსტად და კარგად გვაქვს გააზრებული, რა პროცესში ვიმყოფებით, – ამის შესახებ „სტრატეგია აღმაშენებლის“ ლიდერმა, გიორგი ვაშაძემ განაცხადა.

მისი თქმით, საქართველოს მართავს ივანიშვილის რეჟიმი, რომელსაც უნდა, რომ საქართველოს ყველა მოქალაქეს დაუკეტოს კარი ევროკავშირისკენ.

„ჩვენ ვიბრძვით, რომ საქართველო გახდეს ევროკავშირის წევრი, იყოს დემოკრატიული, იყოს სამართლიანი სასამართლო, კანონის წინაშე ყველა იყოს თანასწორი. ამას აუცილებლად მივაღწევთ. სიმართლე გაიმარჯვებს. ოპონენტებს ციხეში რომ სვამ, ე.ი. გეშინია ამ ოპონენტების. ეშინიათ, რადგან სუსტები არიან. ჩვენ აუცილებლად გავიმარჯვებთ ამ ბრძოლაში“, – განაცხადა ვაშაძემ.