გაეროს განცხადებით, ისრაელსა და „ჰამასს“ შორის წარმოებული ომის გამო 190 000-მდე პალესტინელი იძულებით გადაადგილდა.

„ბოლო 24 საათის განმავლობაში, ღაზას სექტორიდან მოსახლეობის მასობრივი გადაადგილების მაჩვენებელი გაიზარდა და 187,518-ს მიაღწია. მოსალოდნელია, რომ ეს რიცხვი კიდევ მოიმატებს. მასშტაბური საჰაერო თავდასხმები გრძელდება, შესაბამისად, UNRWA-ს სკოლებში სულ უფრო მეტი დევნილი ეძებს თავშესაფარს.
ყველაფერი კეთდება იმისთვის, რომ დევნილებისთვის ძირითადი მომსახურება ვუზრუნველყოთ. თუმცა, პირობები რთულია, ზოგიერთი თავშესაფარი გადატვირთულია და სასმელი წყლის მარაგიც შეზღუდულია“, - განაცხადა ახლო აღმოსავლეთში პალესტინელი ლტოლვილების დახმარებისა და მხარდაჭერის გაეროს სააგენტომ (UNRWA).