„ჰამასის“ ლიდერის ისმაილ ჰანიეს განცხადებით, მხარეებს შორის ტყვეთა გაცვლის საკითხი მხოლოდ ომის დასრულების შემდეგ გადაწყდება.

"მხარეები, რომლებიც დაგვიკავშირდნენ და, ტყვეთა გაცვლის გზით, მძევლების გათავისუფლებისთვის შუამავლობას გვთავაზობენ, ჩვენი გადაწყვეტილების შესახებ ინფორმირებულნი არიან,“ - ნათქვამია ტერორისტული დაჯგუფების ლიდერის განცხადებაში.

ჰანიემ ასევე დადებითად შეაფასა ღაზელების გამძლეობა და მზადყოფნა, რათა თავი გაწირონ  პალესტინის დასაცავად და დასძინა, რომ ღაზაში განხორციელებული საპასუხო დარტყმების დროს ისრაელის არმიის „განადგურება“ „მისი სირცხვილია“.

„ჰამასის“ ტრანსსასაზღვრო თავდასხმების შედეგად დაღუპულთა რიცხვი 900-მდე გაიზარდა, ხოლო გატაცებულია 150-მდე ადამიანი.