მიხეილ სააკაშვილი და "ვივამედში" მყოფი პატიმრები მოინახულა სახალხო დამცველმა. ლევან იოსელიანი ამის შესახებ სოციალურ ქსელში წერს.

მისი თქმით, მიხეილ სააკაშვილთან თითქმის 1 საათი ისაუბრა და ომბუდსმენმა ყოფილ პრეზიდენტს დაუდასტურა, რომ მის ჯანმრთელობასთან დაკავშირებით, ყველა ის მონიტორინგის მექანიზმი, რომელიც სახალხო დამცველს აქვს, მათ შორის სამედიცინო კონსილიუმი, შენარჩუნებული იქნება და პროცესს არანაირი შეფერხება არ ექნება.

„ასევე დავუდასტურე, რომ სახალხო დამცველი, საკუთარი მანდატის ფარგლებში, გააგრძელებს მის ჯანმრთელობაზე ზედამხედველობას,“ – წერს ომბუდსმენი "ფეისბუქზე".