მილანსა და კორტინაში მიმდინარე ზამთრის ოლიმპიურ თამაშებზე ფიგურულ ციგურაობაში გუნდური ასპარეზობა მიმდინარეობს.

მოკლე პროგრამაში საქართველო ანასტასია გუბანოვამ წარადგინა. მისი გამოსვლა 67.79 ქულით შეფასდა და საქართველოს 6 გუნდური ქულა მოუტანა.

რიტმულ ცეკვებში დიანა დევისისა და გლებ სმოლკინის წყვილმა საქართველოს ნაკრებს 5 ქულა შესძინეს, ანასტასია მეტელკინასა და ლუკა ბერულავას წყვილმა კი – 9 ქულა. საერთო გუნდურ ჩათვალაში, სამი დისციპლინის შემდეგ, საქართველოს 20 ქულა აქვს და მეოთხე ადგილზეა.

პირველი დღის შემდეგ საუკეთესო ხუთეული ასეთია: აშშ (25 ქულა), იაპონია (23), იტალია (22), საქართველო (20), კანადა (19).

7 თებერვალს მოკლე პროგრამით ნიკა ეგაძე იასპარეზებს, რომლის გამოსვლის შემდეგ გაირკვევა, შეძლებს თუ არა საქართველოს ნაკრები ხუთ საუკეთესო გუნდს შორის მოხვედრას და მედლებისთვის ბრძოლას.

1ტვ