ორივე სპორტსმენმა ტოკიოს ოლიმპიურ თამაშებზე ოქროს მედალი მოიპოვა. დამკვიდრებული ტრადიციის მიხედვით, ოლიმპიურ კომიტეტში ჩემპიონების ვარსკვლავი იხსნება. ბექაური 37-ე ქართველი სპორტსმენია, რომელმაც ოლიმპიადაზე ოქრო მოიპოვა.

ოლიმპიური ვარსკვლავის გახსნა დაემთხვა მნიშვნელოვან თარიღს. 1989 წლის 6 ოქტომბერს – საქართველოს ოლიმპიური კომიტეტის დამფუძნებელი ყრილობა გაიმართა, რომელიც საბჭოთა კავშირის ოლიმპიურ კომიტეტს გამოეყო და ოლიმპიურ მოძრაობაში დამოუკიდებლად გაწევრიანების სურვილი გამოთქვა.