26/05/2023
16:25
მსოფლიო
გერმანიის კანცლერ ოლაფ შოლცის განცხადებით, რუსეთის პრეზიდენტ ვლადიმერ პუტინს „შესაფერის დროს“ დაელაპარაკება.
გერმანიის მთავრობის ხელმძღვანელმა აღნიშნა, რომ პუტინთან მისი ბოლო სატელეფონო საუბრის შემდეგ გარკვეული დრო გავიდა. „მაგრამ მე ვაპირებ პუტინთან ხელახლა დალაპარაკებას შესაბამის დროს“, – განაცხადა შოლცმა.
გერმანიის კანცლერმა ხაზგასმით აღნიშნა, რომ უკრაინიდან რუსული ჯარების გაყვანა სამართლიანი მშვიდობის საწინდარი უნდა იყოს. შოლცმა ასევე თქვა, რომ რუსეთს უნდა ესმოდეს „ცივი მშვიდობის“ მიუღებლობა. კერძოდ, სცენარი, რომლის დროსაც დღევანდელი ფრონტის ხაზი გახდება ახალი „საზღვარი“ რუსეთსა და უკრაინას შორის.
როგორც შოლცმა აღნიშნა, გერმანია გააგრძელებს უკრაინის აქტიურ მხარდაჭერას, მაგრამ ამავდროულად აიცილებს პირდაპირ კონფლიქტს ნატო-სა და რუსეთს შორის.
0
0
ბაბუშერას ტრაგედიიდან 31 წელი გავიდა
22/09/2024