23/05/2023
17:08
მსოფლიო
გერმანიის კანცლერ ოლაფ შოლცის განცხადებით, უკრაინა ევროკავშირის წევრი ომის დასრულების შემდეგ გახდება. ამასთან, კანცლერი თვლის, რომ რუსეთი ვერ გაიმარჯვებს უკრაინის წინაღმდეგ ომში. ამის შესახებ ოლაფ შოლცმა სოციალ-დემოკრატიული პარტიის 160 წლის იუბილესადმი მიძღვნილ ღონისძიებაზე განაცხადა.
„ჩვენი კონტინენტის ისტორიის მწარე თავი, რომელიც ვლადიმერ პუტინმა შექმნა მისი იმპერიალისტური სიგიჟით, თავისუფალი უკრაინის ევროკავშირში სრულუფლებიან წევრად გაწევრიანებით დასრულდება“, – აღნიშნა შოლცმა.
მისივე თქმით, სოციალ-დემოკრატიული პარტია მკაფიოდ უნდა დადგეს უკრაინის მხარეს, რადგან სწორედ ყოფილი კანცლერ ვილი ბრანდტის წყალობით, ევროპაში დღეს მოქმედებს პრინციპები ძალის გამოუყენებლობის, საზღვრების ურღვევობის, სახელმწიფოთა ტერიტორიული მთლიანობისა და თვითგამორკვევაზე ხალხთა უფლების შესახებ.
„ჩვენ სოციალ-დემოკრატები ღრმა რწმენით ვიცავთ ამ პრინციპებს“, – განაცხადა შოლცმა.
0
0