ოკუპირებული აფხაზეთის ე.წ. პრეზიდენტმა ასლან ბჟანიამ „პარლამენტის“ დეპუტატების მიერ მიღებულ კანონებს ხელი მოაწერა. ამრიგად, ბჟანიამ დაამტკიცა ბიჭვინთაში მდებარე ე.წ. სახელმწიფო აგარაკის რუსეთისთვის გადაცემა.

კერძოდ, კანონი „აფხაზეთის რესპუბლიკის მთავრობასა და რუსეთის ფედერაციის მთავრობას შორის რუსეთის ფედერაციის საკუთრებაში გადაცემის შესახებ ხელშეკრულების რატიფიცირების შესახებ აფხაზეთის რესპუბლიკის ტერიტორიაზე და მისი გამოყენების წესი“ ძალაში შევიდა.

„რატიფიცირება აფხაზეთის რესპუბლიკის მთავრობასა და რუსეთის ფედერაციის მთავრობას შორის აფხაზეთის რესპუბლიკის ტერიტორიაზე არსებული ობიექტის რუსეთის ფედერაციის საკუთრებაში გადაცემის და მისი გამოყენების წესის შესახებ მოსკოვში 2022 წლის 19 იანვარს ხელმოწერილი შეთანხმების შესახებ“ - ნათქვამია დოკუმენტში.

გარდა ამისა, ე.წ. კონსტიტუციური კანონი „აფხაზეთის რესპუბლიკის მთავრობასა და რუსეთის ფედერაციის მთავრობას შორის აფხაზეთის რესპუბლიკის ტერიტორიაზე არსებული ობიექტის რუსეთის ფედერაციის საკუთრებაში გადაცემის შესახებ შეთანხმების განხორციელების ღონისძიებების შესახებ და დამტკიცდა მისი გამოყენების წესი.