
ოკუპირებული აფხაზეთის ე.წ. დრანდის ციხიდან გურგენ კირაკოსიანი გაიქცა, რომელიც მკვლელობისთვის 15-წლიან სასჯელს იხდიდა. ამის შესახებ „ეხო კავკაზა“ იუწყება.
კირაკოსიანმა მიმდინარე წლის 6 თებერვალს ალკოჰოლის ზემოქმედების ქვეშ წარმოქმნილი ურთიერთშელაპარაკების ნიადაგზე „კალაშნიკოვის“ ტიპის ავტომატიდან ედუარდ ქეცბას ესროლა, რომელიც ადგილზე დაიღუპა.
ამ დანაშაულის შემდეგ კირაკოსიანი ტყეში იმალებოდა, სადაც ის პოლიციამ აღმოაჩინა. დე ფაქტო სასამართლოზე კირაკოსიანმა ბრალი აღიარა.
ე.წ. სასამართლომ ის დამნაშავედ ცნო მკვლელობაში, ასევე ცეცხლსასროლი იარაღის უკანონო შეძენაში, შენახვაში და ტარებაში.
ამჟამად კირაკოსიანის ადგილმდებარეობა უცნობია. მის დასაკავებლად ე.წ. პოლიციის ქვედანაყოფებია მობილიზებული.
0
0
თბილისის საკრებულოს შენობაზე დროშა დაეშვა
22/11/2026
საქართველოში გლოვის დღეა
22/11/2026