ოკუპირებულ აფხაზეთში ბუნებრივ ხანძრებთან დაკავშირებით ვითარება კვლავ დაძაბულია, - ამის შესახებ ე.წ. რესპუბლიკის საგანგებო სიტუაციების სამინისტროში განაცხადეს.

ბოლო 24 საათის განმავლობაში დეფაქტო უწყების  თანამშრომლები, თითქმის, მთელ აფხაზეთში ხანძრის ლიკვიდაციის მიზნით არიან გასულები.

გაგრას, გუდაუთის, გულრიფშის, ოჩამჩირისა და გალის რაიონებში ხმელი ხეები იწვის. ბუნებრივი ხანძრები დაფიქსირდა ქალაქ გაგრაში, ბიჭვინთაში, გულრიფშსა და სოფლებში - ჯირხვაში, აძიუბჟაში, მერკულაში, მოქვში, შაშიკვარაში.

დეფაქტო უწყების ინფორმაციით, ბუნებრივი ხანძრის გამომწვევი მთავარი მიზეზი ადამიანური ფაქტორია: მოსახლეობა სანიტარული დასუფთავებისთვის თვითნებურად და უკონტროლოდ ცეცხლს უკიდებს ბაღის ნაკვეთებს.