სოხუმის დე ფაქტო მინისტრთა კაბინეტმა პურის ფასის ზედა ზღვრის შეცვლის გადაწყვეტილება მიიღო, რაც მის გაძვირებას ნიშნავს. ინფორმაციას „ეხო კავკაზა“ ავრცელებს.

პურის ფასზე ახალი საცალო და საბითუმო ფასები დაწესდა. კერძოდ, უმაღლესი ხარისხის ფქვილისგან გამომცხვარი 1 კგ პური 50 რუბლი (1,4 ლარი) ეღირება, 0,6 კგ - 30 რუბლი (0,87 ლარი), მეორე ხარისხის ფქვილისგან გამომცხვარი 1 კგ პური 47 რუბლი (1,37 ლარი) , ხოლო 0,6 კგ - 28 რუბლი (0,81 ლარი).

გადაწყვეტილებაში აღნიშნულია, რომ პურის გაძვირება იმის გამო ხდება, რომ ნედლეულზე ფასმა დაახლოებით 10%-ით მოიმატა.